Home / Kerala / ചാമ്പ്യന്‍സ് ബോട്ട് ലീഗ് വള്ളം കളി മത്സരം വ്യാഴാഴ്ച അഞ്ചരക്കണ്ടിപ്പുഴയില്‍

ചാമ്പ്യന്‍സ് ബോട്ട് ലീഗ് വള്ളം കളി മത്സരം വ്യാഴാഴ്ച അഞ്ചരക്കണ്ടിപ്പുഴയില്‍

കണ്ണൂര്‍, കാസര്‍ഗോഡ് ജില്ലകളിലെ 15 ജലരാജാക്കന്മാരാണ് മത്സരത്തില്‍ പങ്കെടുക്കുക.

സംസ്ഥാന ടൂറിസം വകുപ്പ് നടത്തുന്ന ചാമ്പ്യന്‍സ് ബോട്ട് ലീഗ് ജില്ലയില്‍ ഒക്ടോബര്‍ രണ്ടിന് അഞ്ചരക്കണ്ടിപ്പുഴയില്‍ നടക്കും. മമ്മാക്കുന്ന് പാലത്തിനു സമീപം മുതല്‍ മുഴപ്പിലങ്ങാട് കടവ് വരെ നടക്കുന്ന ജലമേള ഉച്ചയ്ക്ക് രണ്ടിന് ആരംഭിക്കും. വൈകിട്ട് നാലിനു മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.

കണ്ണൂര്‍, കാസര്‍ഗോഡ് ജില്ലകളിലെ 15 ജലരാജാക്കന്മാരാണ് മത്സരത്തില്‍ പങ്കെടുക്കുക. എ.കെ.ജി പോടോത്തുരുത്തി എ ടീം, ബി ടീം, റെഡ്സ്റ്റാര്‍ കാര്യങ്കോട്, ന്യൂ ബ്രദേഴ്‌സ് മയിച്ച, വയല്‍ക്കര മയിച്ച, എ.കെ.ജി മയിച്ച, വയല്‍ക്കര വെങ്ങാട്ട്, വിബിസി കുറ്റിവയല്‍ (ഫൈറ്റിങ് സ്റ്റാര്‍ ക്ലബ്), കൃഷ്ണപിള്ള കാവുംചിറ, പാലിച്ചോന്‍ അച്ചാം തുരുത്തി എ ടീം, ബി ടീം, അഴിക്കോടന്‍ അച്ചാം തുരുത്തി, ഇ.എം.എസ് മുഴക്കീല്‍, നവോദയ മംഗലശേരി, സുഗുണന്‍ മാസ്റ്റര്‍ മെമ്മോറിയല്‍ ആര്‍ട്സ് ആന്‍ഡ് സ്‌പോര്‍ട്‌സ് ക്ലബ് മേലൂര്‍ എന്നിവയാണ് ടീമുകള്‍. ഒന്നാം സമ്മാനം ഒന്നര ലക്ഷം രൂപയും രണ്ടാം സമ്മാനം ഒരു ലക്ഷം രൂപയും മൂന്നാം സമ്മാനം 50,000 രൂപയുമാണ്.

പ്രാദേശിക ടൂറിസം മേഖലയുടെ ഉണര്‍വിനായി സംസ്ഥാനത്തെ 14 കേന്ദ്രങ്ങളിലായി നടത്തി വരുന്ന ചാമ്പ്യന്‍സ് ബോട്ട് ലീഗ് മത്സരം സംസ്ഥാനത്ത് അഞ്ചാം തവണയും ജില്ലയില്‍ രണ്ടാം തവണയുമാണ് നടത്തുന്നത്.

ഉദ്ഘാടനച്ചടങ്ങില്‍ മന്ത്രി പി എ മുഹമ്മദ് റിയാസ് അധ്യക്ഷത വഹിക്കും. സ്പീക്കര്‍ അഡ്വ. എ എന്‍ ഷംസീര്‍, മന്ത്രി രാമചന്ദ്രന്‍ കടന്നപ്പള്ളി എന്നിവര്‍ മുഖ്യാതിഥികളാകും.

Tagged:

Leave a Reply

Your email address will not be published. Required fields are marked *