പിഎം ശ്രീ പദ്ധതി നടപ്പാക്കുന്നത് കേരളം മരവിപ്പിച്ചതായി അറിയില്ലെന്ന് കേന്ദ്രം. രേഖാമൂലം കേരളത്തിന്റെ അറിയിപ്പ് കിട്ടിയാല്‍ നിലപാട് അറിയിക്കുംമെന്നും കേന്ദ്ര വിദ്യാഭ്യാസ മന്ത്രാലയം വ്യക്തമാക്കി.
വ്യവസ്ഥകളില്‍ ഇളവ് ഒരു സംസ്ഥാനത്തിന് മാത്രമായി നല്‍കണോ എന്നത് പരിശോധിക്കണം. തല്‍ക്കാലം പദ്ധതി നടപ്പാക്കുന്ന നടപടികളുമായി മുന്നോട്ടുപോകും. അതിന് എന്തെങ്കിലും തടസ്സം നിലവിലില്ലെന്നും കേന്ദ്ര വിദ്യാഭ്യാസ മന്ത്രാലയം അറിയിച്ചു. അതേസമയം, പിഎം ശ്രീയില്‍ നിന്ന് കേരളം പിന്നോട്ടെന്ന വാര്‍ത്തകളോട് കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ പ്രതികരിച്ചില്ല.
കഴിഞ്ഞ ദിവസമാണ് പിഎം ശ്രീയിൽ നിന്നും സംസ്ഥാനം പിന്നോട്ട് പോകുന്ന കാര്യം മുഖ്യമന്ത്രി വ്യക്തമാക്കിയത്. പൂർണ്ണമായി ഒഴിയുന്ന സാഹചര്യത്തിന് പകരം, മന്ത്രിസഭാ ഉപസമിതി രൂപീകരിച്ച് പദ്ധതിയെക്കുറിച്ച് വിശദമായി പഠിക്കുകയാണ് ആദ്യ ഘട്ടം. ഉപസമിതി റിപ്പോർട്ട് വരുന്നത് വരെ പദ്ധതിയുടെ തുടർ നടപടികളുമായി മുന്നോട്ട് പോകില്ലെന്ന് സംസ്ഥാനം വ്യകമാക്കി. സിപിഐ മന്ത്രിമാർ അടക്കം ഉൾപ്പെട്ട ഉപസമിതിയക്ക് റിപ്പോർട്ട് സമർപ്പിക്കാൻ പ്രത്യേക സമയപരിധി നിശ്ചയിട്ടില്ലെന്നതും ശ്രദ്ധേയമാണ്.
