Home / Kerala / മുൻ കെനിയൻ പ്രധാനമന്ത്രി റെയ്‌ല ഓഡിംഗ അന്തരിച്ചു: വിയോ​ഗം കേരളത്തിൽ ചികിത്സയിലിരിക്കെ

മുൻ കെനിയൻ പ്രധാനമന്ത്രി റെയ്‌ല ഓഡിംഗ അന്തരിച്ചു: വിയോ​ഗം കേരളത്തിൽ ചികിത്സയിലിരിക്കെ

മുൻ കെനിയൻ പ്രധാനമന്ത്രി റെയ്‌ല ഓഡിംഗ അന്തരിച്ചു. കൂത്താട്ടുകുളത്തെ ഒരു ആയുർവേദ ചികിത്സാ കേന്ദ്രത്തിൽ ആയുർവേദ ചികിത്സയക്ക് എത്തിയ ഓഡിം​ഗ ബുധനാഴ്ച പ്രഭാധനടത്തത്തിനിടെയുടണ്ടായ് ഹൃദയാഘാതത്തെ തുടർന്നാണ് അന്തരിച്ചത്. 80 വയസ്സായിരുന്നു.

ശ്രീധരീയം ആയുർവേദാശുപത്രിയിൽ ചികിത്സയിൽ കഴിയുകയായിരുന്നു അദ്ദേഹം. ആശുപത്രി അധികൃതർ നൽകിയ വിവരമനുസരിച്ച്, ബുധനാഴ്ച രാവിലെ നടത്തത്തിനിടെ അദ്ദേഹത്തെ കുഴഞ്ഞുവീണ നിലയിൽ കണ്ടെത്തുകയായിരുന്നു. “രാവിലെ നടക്കാൻ ഇറങ്ങിയപ്പോൾ അദ്ദേഹം പെട്ടെന്ന് തളർന്നു വീണു. ഉടൻ തന്നെ അദ്ദേഹത്തെ ദേവമാത ആശുപത്രിയിൽ എത്തിച്ചെങ്കിലും, രാവിലെ 9.52-ന് മരണം സ്ഥിരീകരിച്ചു,” റെയ്‌ല ഓഡിംഗ ചികിത്സയിൽ കഴിഞ്ഞിരുന്ന ശ്രീധരീയം ആയുർവേദാശുപത്രിയിലെ ഒരു ഉദ്യോഗസ്ഥൻ അറിയിച്ചു.

മകൾ, സഹോദരി, വ്യക്തിഗത ഡോക്ടർ എന്നിവർ അദ്ദേഹത്തോടൊപ്പം ഉണ്ടായിരുന്നു. മുംബൈയിലെ ഒരു ആശുപത്രിയിൽ ചികിത്സ തേടിയ ശേഷം ഏകദേശം ഒരാഴ്ച മുൻപാണ് അദ്ദേഹം കേരളത്തിൽ എത്തിയത്.

“അദ്ദേഹം വിവിധ ആരോഗ്യപ്രശ്നങ്ങൾക്ക് ചികിത്സയിലായിരുന്നു. മുംബൈയിൽ ചികിത്സ തേടിയ ശേഷമാണ് ഇവിടെയെത്തിയത്. മൃതദേഹം നിലവിൽ ദേവമാത ആശുപത്രിയിൽ സൂക്ഷിച്ചിരിക്കുകയാണ്. വിദേശകാര്യ മന്ത്രാലയത്തെയും കെനിയൻ എംബസിയെയും വിവരമറിയിച്ചിട്ടുണ്ട്. അവരുടെ നിർദേശങ്ങൾ അനുസരിച്ച് തുടർനടപടികൾ സ്വീകരിക്കും,” ഉദ്യോഗസ്ഥൻ വ്യക്തമാക്കി.

റെയ്‌ല ഓഡിംഗ: കെനിയൻ രാഷ്ട്രീയത്തിലെ നിർണ്ണായക സാന്നിധ്യം
കെനിയൻ രാഷ്ട്രീയത്തിലെ ഏറ്റവും ശ്രദ്ധേയരായ നേതാക്കളിൽ ഒരാളാണ് റെയ്‌ല ഓഡിംഗ. 2008 മുതൽ 2013 വരെ അദ്ദേഹം കെനിയയുടെ പ്രധാനമന്ത്രിയായി സേവനമനുഷ്ഠിച്ചിട്ടുണ്ട്. 1992 മുതൽ 2013 വരെ കെനിയൻ പാർലമെന്റിൽ ലാങ്ങാറ്റ മണ്ഡലത്തെ അദ്ദേഹം പ്രതിനിധീകരിച്ചു.

Tagged:

Leave a Reply

Your email address will not be published. Required fields are marked *