Home / Politics / വോട്ടർ പട്ടികയിൽ പേര് ചേർത്തു; വൈഷ്ണ സുരേഷിന് മത്സരിക്കാം, സത്യം ജയിച്ചെന്ന് വൈഷ്ണ

വോട്ടർ പട്ടികയിൽ പേര് ചേർത്തു; വൈഷ്ണ സുരേഷിന് മത്സരിക്കാം, സത്യം ജയിച്ചെന്ന് വൈഷ്ണ

തദ്ദേശ തെരഞ്ഞെടുപ്പിൽ തിരുവനന്തപുരത്ത് മുട്ടട വാർഡിലെ കോൺഗ്രസ് സ്ഥാനാർത്ഥി വൈഷ്ണ സുരേഷിന് മത്സരിക്കാൻ വഴി തെളിഞ്ഞു. വോട്ടർ പട്ടികയിൽ നിന്ന് ഒഴിവാക്കിയ വൈഷ്ണയുടെ പേര് തിരികെ ചേർക്കാൻ സംസ്ഥാന തെരഞ്ഞെടുപ്പ് കമ്മീഷൻ തീരുമാനിച്ചു.

സത്യം ജയിച്ചെന്നായിരുന്നു വൈഷ്ണയുടെ പ്രതികരണം. ‘മറ്റൊന്നും പറയാനില്ല, സത്യം ജയിച്ചു. ഹൈക്കോടതിയോട് പ്രത്യേകം നന്ദിയുണ്ട്,’ വൈഷ്ണ മാധ്യങ്ങളോട് പറഞ്ഞു. ഇത് ജനാധിപത്യത്തിന്റെ വിജയമെന്നാണ് കോൺഗ്രസ് നേതാവ് രമേശ് ചെന്നിത്തല പ്രതികരിച്ചത്. 26 കള്ള വോട്ടുള്ള ആളാണ് വൈഷ്ണയ്ക്കെതിരെ പരാതി നൽകിയതെന്നും വൈഷ്ണയ്ക്കൊപ്പം മാധ്യങ്ങളെ കണ്ട ചെന്നിത്തല പറഞ്ഞു.

സിപിഎമ്മിന്റെ പരാതിയെ തുടർന്ന് വൈഷ്ണയുടെ പേര് വോട്ടർ പട്ടികയിൽ നിന്നും നീക്കം ചെയ്തിരുന്നു. വൈഷ്‌ണ നൽകിയ വിലാസത്തിലെ സാങ്കേതികത്വം പറഞ്ഞാണ് സിപിഎം പരാതി നൽകിയത്. തിരുവനന്തപുരം കോർപറേഷനിൽ കോൺഗ്രസിന്ററെ ഏറ്റവും പ്രായം കുറഞ്ഞ സ്ഥാനാർത്ഥിയാണ് 24 വയസ്സുള്ള വൈഷ്‌ണ.

പേര് നീക്കം ചെയ്തതിനെ തുടർന്ന് വൈഷ്ണയുടെ സ്ഥാനാർത്ഥിത്വം അനിശ്‌ചതത്വത്തിലായിരുന്നു. എന്നാൽ ഹൈക്കോടതിയെ സമീപിച്ചപ്പോൾ സാങ്കേതികത്വം പറഞ്ഞ് ഒരു 24 കാരിയെ മത്സരിപ്പിക്കാതിരിക്കരുതെന്ന് ഹൈക്കോടതി നിർദ്ദേശിച്ചിരുന്നു. വിഷയത്തിൽ നവംബർ 20 നുള്ളിൽ തീരുമാനമെടുക്കണമെന്നും ഹൈക്കോടതി നിർദ്ദേശിച്ചിരുന്നു.

Tagged:

Leave a Reply

Your email address will not be published. Required fields are marked *