സ്വർണ്ണപ്പാളി ഉൾപ്പെടെ വിറ്റഴിച്ചിരിക്കാനാണ് സാധ്യതയെന്നും അദ്ദേഹം അഭിപ്രായപ്പെട്ടു.
ശബരിമലയിലെ സ്വർണ്ണപ്പാളി വിവാദത്തിൽ ഞെട്ടിക്കുന്ന വെളിപ്പെടുത്തലുമായി ശിൽപ്പി മഹേഷ് പണിക്കർ. ക്ഷേത്രത്തിലെ ദ്വാരപാലക ശിൽപ്പങ്ങളിലടക്കം പൊതിഞ്ഞ സ്വർണ്ണത്തിൻ്റെ ‘ഡിവൈൻ വാല്യൂ’ (ദൈവിക ചൈതന്യം) വളരെ വലുതായതിനാൽ ഇത് വൻ തുകയ്ക്ക് വിൽക്കപ്പെട്ടിരിക്കാൻ സാധ്യതയുണ്ടെന്നും ഇതിന് പിന്നിൽ വൻകിട റാക്കറ്റുകളാണെന്നും അദ്ദേഹം ആരോപിച്ചു.
“ഹൈക്കോടതി ഉത്തരവോടെ തന്നെ വലിയ കൊള്ളയാണ് നടന്നതെന്ന് വ്യക്തമാണ്,” മഹേഷ് പണിക്കർ പറഞ്ഞു. ഈ കവർച്ച വിശ്വാസത്തിൻ്റെ പേരിൽ നടന്ന തട്ടിപ്പാണെന്നും അദ്ദേഹം ചൂണ്ടിക്കാട്ടി. ശബരിമലയിലെ ദൈവീക ചൈതന്യത്തിനാണ് യഥാർത്ഥത്തിൽ വിലയുള്ളതെന്നും, സ്വർണ്ണപ്പാളി ഉൾപ്പെടെ വിറ്റഴിച്ചിരിക്കാനാണ് സാധ്യതയെന്നും അദ്ദേഹം അഭിപ്രായപ്പെട്ടു.
സ്വർണം ഉരുക്കി വിൽക്കുന്നതിനേക്കാൾ പാളി അതുപോലെ നൽകുമ്പോഴാണ് മൂല്യം കുടുന്നതെന്നാണ് മഹേഷ് പണിക്കരുടെ വിശദീകരണം. ഉരുക്കി വിറ്റാൽ സ്വർണ്ണവില മാത്രമായിരിക്കും ലഭിക്കുക. എന്നാൽ, “പാളി അതുപോലെ വിറ്റാൽ അതിൻ്റെ ഡിവൈൻ വാല്യു വളരെ കൂടുതലായതിനാൽ നമ്മൾ ചിന്തിക്കുന്നതിനും അപ്പുറമുള്ള വലിയ തുകയ്ക്കായിരിക്കും വിറ്റിട്ടുണ്ടാവുക. 100 കോടി വരെ നൽകാൻ ആളുണ്ട്. സിനിമ മേഖലയിലേക്ക് അടക്കം ഈ സ്വർണം പോയിട്ടുണ്ട്,” എന്നും മഹേഷ് പണിക്കർ വെളിപ്പെടുത്തി.
സംഭവത്തിൽ കൂടുതൽ അന്വേഷണം ആവശ്യമാണെന്ന് വിവിധ കോണുകളിൽ നിന്ന് ആവശ്യം ഉയർന്നിട്ടുണ്ട്.
