ഇ പി ജയരാജൻ ബിജെപിയിൽ ചേരാൻ ആഗ്രഹിച്ചിരുന്നതായി എ പി അബ്ദുള്ളക്കുട്ടി

ഇ പി ജയരാജനുമായി പ്രകാശ് ജാവേദ്ക്കർ ചർച്ച നടത്തിയത് അതിന്റെ ഭാഗമായാണ്.
എന്നാൽ ജയരാജനെ വേണ്ടെന്ന് ബിജെപി സംസ്ഥാന നേതാക്കൾ തീരുമാനിച്ചു.
ഇ പി പുസ്തകം എഴുതിയത് തന്നെ എം വി ഗോവിന്ദനെയും പി ജയരാജനെയും വിമർശിക്കാനായിരുന്നുവെന്ന് കണ്ണൂരിൽ മാധ്യമ പ്രവർത്തകരോട് സംസാരിക്കവേ അദ്ദേഹം പറഞ്ഞു.

ആത്മകഥ പ്രകാശന ചടങ്ങിൽ സംസ്ഥാന സെക്രട്ടറി എം വി ഗോവിന്ദനെ ക്ഷണിച്ചില്ല.
പി ജയരാജൻ പുസ്തകം എഴുതിയാൽ ഇ പി ജയരാജന്റെ ആത്മകഥ പുറത്ത് വരുമെന്നും അബ്ദുള്ളക്കുട്ടി പറഞ്ഞു. പി എം ശ്രീയിൽ എൽഡിഎഫ് കളിച്ചത് നാടകമാണെന്നും
കെ പി എ സിയെ കൊണ്ട് കളിപ്പിച്ചിരുന്നെങ്കിൽ അക്കാദമി അവാർഡ് ലഭിച്ചേനെയെന്നും അദ്ദേഹം പറഞ്ഞു. നാടകത്തിൽ പിണറായി വിജയൻ വില്ലനും ബിനോയ് വിശ്വം നായകനും ശിവൻകുട്ടി ഹാസ്യനടനുമായുംതിളങ്ങുമെന്നും അബ്ദുള്ളക്കുട്ടി പറഞ്ഞു