Home / Kerala / ശബരിമല സ്വർണ്ണക്കൊള്ള എൻ വാസു അറസ്റ്റിൽ

ശബരിമല സ്വർണ്ണക്കൊള്ള എൻ വാസു അറസ്റ്റിൽ

ശബരിമല സ്വർണക്കൊളള കേസിൽ മുൻ ദേവസ്വം കമ്മീഷണറും പ്രസിഡന്റുമായ എൻ വാസു അറസ്റ്റിൽ. സ്വർണപാളി കേസിലാണ് പ്രത്യക അന്വേഷണ സംഘം വാസുവിനെ അറസ്റ്റ് ചെയ്തത്. ഇയാൾ കേസിലെ മൂന്നാം പ്രതിയാണ്. വാസുവിനെ ഇന്ന് തന്നെ കോടതിയിൽ ഹാജരാക്കും.

ശബരിമല സ്വർണ്ണക്കൊള്ളയുമായി ബന്ധപ്പെട്ട് ഇതുവരെ നടന്ന ഏറ്റവും പ്രധാന അറസ്റ്റാണ് വാസുവിന്റേത്. ദേവസ്വം ബോർഡിലെ തന്ത്ര പ്രധാന സ്ഥാനങ്ങൾ വഹിച്ചിരുന്ന വാസുവിന്റെ അറസ്റ്റ് ഈ വിഷയത്തിൽ സർക്കാരിനെ പ്രതിരോധത്തിലാക്കും.

വാസുവിനെതിരെ നിർണായകമൊഴിയാണ് സസ്പെൻഷനിലായ ശബരിമല മുൻ അഡ്മിനിസ്ട്രേറ്റീവ് ഓഫീസർ മുരാരി ബാബുവും നൽകിയിരിക്കുന്നത്. എല്ലാം വാസു അറിഞ്ഞുകൊണ്ടെന്ന് മുരാരിയും അറസ്റ്റിലായ ശബരിമല ദേവസ്വം മുൻ എക്സിക്യൂട്ടീവ് ഓഫിസർ ഡി.സുധിഷും മൊഴി നൽകിയിട്ടുണ്ട്. മുൻ തിരുവാഭരണ കമീഷണർ ബൈജുവിൻ്റെ മൊഴിയും വാസുവിന് എതിരാണ്.

Tagged:

Leave a Reply

Your email address will not be published. Required fields are marked *