വോട്ടർ പട്ടിക പ്രത്യേക തീവ്ര പുനഃപരിശോധന (Special Intensive Revision) യുമായി ബന്ധപ്പെട്ട കേരളത്തിന്റെ ഹർജികൾ സുപ്രീം കോടതി നവംബർ 21 ന് പരിഗണിക്കും. സംസ്ഥാനത്ത് തദ്ദേശ തിരഞ്ഞെടുപ്പിനുള്ള പ്രവർത്തനങ്ങൾ നടക്കുന്നതിനാൽ എസ്ഐആർ (SIR) പുനഃപരിശോധന നീട്ടി വയ്ക്കണം എന്നാവാശ്യപ്പെട്ട് സംസ്ഥാന സർക്കാർ സുപ്രീം കോടതി യിൽ ഹർജി നൽകിയിരുന്നു. ചീഫ് സെക്രട്ടറി ഡോ. ജയതിലകാണ് സർക്കാരിന് വേണ്ടി കോടതിയെ സമീപിച്ചത്. മുസ്ലീം ലീഗും (IUML) സുപ്രീം കോടതിയെ സമീപിച്ചിരുന്നു.
തദ്ദേശ തിരഞ്ഞെടുപ്പിനും വോട്ടർ പട്ടിക പുനഃപരിശോധനയ്ക്കും ഉദ്യോഗസ്ഥരെ ഒരേ സമയം വിന്യസിക്കേണ്ടി വരുന്നത് സർക്കാരിന്റെ ദൈനം ദിനം പ്രവർത്തനങ്ങളെ ബാധിക്കുന്നുണ്ടെന്നും ഭരണ സ്തംഭനം ഉണ്ടാക്കുമെന്നും ചൂണ്ടിക്കാട്ടിയാണ് സർക്കാരിന്റെ ഹർജി. തിരഞ്ഞെടുപ്പ് നടപടികൾക്ക് 1,76,000 ഉദ്യോഗസ്ഥരെയും 68,000 പോലീസിനെയും നിയോഗിച്ചിട്ടുണ്ട്. എസ്‌ഐആറു മായി ബന്ധപ്പെട്ട് സംസ്ഥാന സർക്കാർ നേരത്തെ ഹൈക്കോടതിയിൽ ഹർജി നൽകിയിരുന്നു.
ഹർജിയിൽ സംസ്ഥാന സർക്കാരിന്റെയും തിരഞ്ഞെടുപ്പ് കമ്മീഷൻ ന്റെയും വാദം കേട്ട ജസ്റ്റിസ് വി ജി അരുൺ സുപ്രീം കോടതിയെ സമീപിക്കുന്നതായിരിക്കും ഉചിതമെന്ന് നിർദ്ദേശിക്കുകയായിരുന്നു.
മുസ്ലീം ലീഗിന് വേണ്ടി സമർപ്പിച്ച ഹർജി അടിയന്തരമായി പരിഗണിക്കണമെന്ന് അഡ്വ. ഹാരിസ് ബീരാൻ ചീഫ് ജസ്റ്റിസ് ഓഫ് ഇന്ത്യയുടെ ശ്രദ്ധയിൽപ്പെടുത്തി.
സംസ്ഥാനത്ത് തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പുമായി ബന്ധപ്പെട്ട പ്രവർത്തനങ്ങൾ നടക്കുന്നതിനാൽ ഇതിനോടൊപ്പം എസ്ഐആർ നടപടികൾ നടത്തുന്നത് വലിയ പ്രായോഗിക ബുദ്ധിമുട്ടുകൾക്ക് ഇടയാക്കുമെന്നും അദ്ദേഹം കോടതിയിയെ അറിയിച്ചു. മുസ്ലീം ലീഗ് നൽകിയ ഹർജിയിൽ എസ്ഐആർ നടത്താനുള്ള വിജ്ഞാപനത്തെ ചെയ്യുന്നുണ്ട്. തിരഞ്ഞെടുപ്പ് കാരണം ഈ നടപടി ക്രമങ്ങൾ സ്റ്റേ ചെയ്യണമെന്നും ആവശ്യപ്പെടുന്നു.
സർക്കാർ എസ്ഐആർ വിജ്ഞാപനത്തെ നേരിട്ട് ചോദ്യം ചെയ്യുന്നില്ല. തദ്ദേശ സ്വയംഭരണ തിരഞ്ഞെടുപ്പ് പൂർത്തിയാകുന്നതുവരെ എസ്ഐആർ മായി ബന്ധപ്പെട്ടുള്ള നടപടികൾ നീട്ടിവെക്കണമെന്ന് ആവശ്യപ്പെടുന്നത്.
